TROUTBECK INN

Luukse oord in Nyanga in die Oostelike Hooglande van Zimbabwe

GPS 18 11 01.00E, 32 48 49.00S
TEL +27 (0) 21 855 0443

PRYSE EN BESPREKINGS

ZIM ACCOMMODATION

ANDER NYANGA

STUUR EPOS

ENGLISH 

TEMBA TUISBLAD



Niemand kan jou blameer as jy dink die Troutbeck Inn is in die Skotse Hooglande, eerder as in die Nyanga-berge van Zimbabwe nie. Die majestieuse Inyangani-berg van 2600 m is baie naby aan die Troutbeck Inn, wat in die koeler Oostelike Hooglande van Zimbabwe naby Nyanga geleë is, slegs drie ure per pad vanaf Harare.

Troutbeck Inn is al vir meer as 45 jaar lank op die toerismetoneel van Zimbabwe. Die knetterede houtvuur in die ontvangsarea van die hotel is steeds ‘n gunsteling, en gaste van die wêreld oor geniet die “buiteklub”-atmosfeer van hierdie uitstekende bestemming in Nyanga, Zimbabwe.

Gaste gaan tuis in 73 smaakvol ingerigte kamers, met ‘n verskeidenheid keuses – van koningsgrootte beddens tot enkelbeddens. Daar word baie goed na gestremde gaste omgesien, en vir die reisende gesin is daar ook ‘n gesinsuite by die Troutbeck Inn. Alle kamers bied en-suite badkamers, haardroër, tee-/koffie-stasies, satelliet-TV, olieverwarmers en lugversorging, asook ‘n telefoon.

Die Beck Restaurant bedien uitstekende etes vir tot 160 gaste en kyk op die goedversorgde tuine van die Troutbeck Inn uit. Gedurende die somermaande in Nyanga geniet die gaste dit om op die buite-terras te eet wat op die manjifieke gholfbaan uitkyk.

Die “Hare and Hound” is die Troutbeck Inn se knus kroegie met ‘n gesellige houtvuur. Dit is ideaal vir ‘n drankie voor ete. Indien boeke, roomskons en tee eerder meer na jou smaak is, sal jy die sitkamer by die Troutbeck Inn onweerstaanbaar vind. Dit het gemaklike banke, ‘n kaggel en het ‘n kroegdiens en ligte spyskaart. Die tuin van die Troutbeck Inn, Nyanga, Zimbabwe, is perfek vir ‘n piekniek. Die kombuis voorsien gourmet piekniekmandjies – jy sal dink jy is in die paradys. Indien jy op ‘n daguitstappie wil gaan, sal die kombuispersoneel met graagte ‘n ontbyt of middagete inpak.

Die Troutbeck Inn bied iets vir almal: vir die wat lief is vir die buitelug, of vir die boekwurms wat op die gemaklike banke wil uitspan met ‘n goeie boek. Daar is forelhengel, gholf, muurbal, tennis, rolbal, vlugbal en ‘n swembad. Gaste kan in die Nyanga-berge voetslaan of perdry, of die Mtazari-watervalle, Nyamziwa-watervalle, Nyangombe-watervalle, World’s View en Eagle’s View besoek.

As jy wil probeer forelhengel in die meer met drie forelspesies, moet jy jou eie hengeltoerusting verskaf. Indien jy ‘n forel uittrek, sal die kombuispersoneel graag jou vangs vir jou voorberei. Ander geriewe wat deur die Troutbeck Inn aangebied word, sluit ‘n speletjieskamer (met bordspeletjies, veerpyltjies, biljart en tafeltennis), speelgrond, winkel asook wasgoed- en babawagterdiens in.

Die Troutbeck Inn het bekend geword as ‘n gerekende konferensie- en huwelikslokaal. Die sentrale Rainbow Trout Suite kan tot 250 gaste huisves. Die Brown Trout raadsaal het ‘n pragtige houtafwerking en die uitsig deur die reuse glasdeure sal selfs die mees verveelde konferensieganger inspireer.

Die tuine by die Troutbeck Inn kan ook maklik gebruik word om 350 gaste te huisves.

Alle konferensielokale by die Troutbeck Inn is lugversorg (of verwarm in die winter) en sluit TV/DVD, oorhoofse projektors, blaaiborde, witborde en boodskapborde in.

  

   

Daar is 'n aantal goeie hotelle in Victoria Valle maar slegs A'Zambezi Rivier Lodge is op die oewers van die Zambezirivier. Dit is soos Troutbeck Inn, 'n luukse hotel met 'n baie ontspanne atmosfeer.

Jou volgende stop kan dalk Hwange Safari Lodge soos Troutbeck Inn 'n Africa sun hotel

As jy van Troutbeck Inn vertrek sal jy waarskynlik die Great Zimbabwe Monument besoek en in die Lodge at the Ancient City oornag. Jy kan die monument vanaf die hotel sien

Jy kan ook vanTroutbeck Inn in een dag na die Matobo Heuwels Nasionale Park ry wat eweneens 'n besondere mooi park is. Granite Ridge ook bekend as The Farmhouse is omring met besonderse rots formasies en natuurskoon.

BOTSWANA AKKOMMODASIE

In Botswana sorg die Okavango Delta sekrlik vir 'n hoogtepunt. Bly 'n paar nagte by Drotsky's Cabins langs die noordelike punt van die Okavango delta by Shakawe

Senyati Safari Camp bied uitstekende slefsorg akkommodasie en kampering in die bos by Chobe Nasionale Park.

NAMIBIë

Windhoek Country Club en Casino is Windhoek se eerste vyfster hotel en die perfekte plek om jou Namibiese vakansie te begin. Jy kan met gemak van Windhoek na Keetmanshoop naby die Kokerboomwoud in die suide ry. Geniet 'n dag of twee by die Kokerboom woud Ruskamp voordat jy na Suid-Afrika vertrek.